المصريين سموا العملة الجديدة “بريزة” نسبة إلى باريز، واللطيف إن الوالى سعيد ما شافهاش، مات قبل ما يخلصوا صياغتها، فـ إسماعيل “اللى جه بعد سعيد” طلب من الصايغ يعمل تعديلات، ويحط اسمه، وجنبه اسم السلطان، لـ إنه كان بـ يسترضى السلطان علشان يخلى حكم مصر لـ ولاده، وقد كان.
الجنيه بـ الفرنسية، اسمه ليفر، اللى بـ تتسهل فى بعض اللغات، وبـ تتقال “ليرة”، ولما وصلتنا، سمينا الليرة “ريال” وبقى عملة، وبقى الريال يساوى بريزتين.